Dünyaca məşhur müğənni azərbaycanca öyrənir

Dünyaca məşhur "OneRepublic" qrupunun solisti, müğənni Rayan Tedder ötən ay Bakıda konsertə çıxmağa hazırlaşarkən Azərbaycan dilində öyrənməyə çalışıb.

Day.Az Milli.Az-a istinadən xəbər verir ki, özünün "Instagram" səhifəsində yerləşdirdiyi videoda sənətçinin xüsusi proqram vasitəsilə dilimizdən olan kəlmələri təkrar etdiyi əks olunub.

Müğənninin bu paylaşımı sosial şəbəkələrin azərbaycanlı istifadəçiləri tərəfindən maraqla qarşılanıb.

Xatırladaq ki, ABŞ-nin məşhur pop-rok qrupu "OneRepublic"in ötən ayın 29-da Bakının "Baku Crystal Hall"da izdihamlı konserti baş tutmuşdu.