Türkiyədə ağır yol qəzası: 1 nəfər ölüb, 20 nəfər yaralanıb

Türkiyənin Ankara vilayətində ağır yol qəzası baş verib.

Day.Az Trend-ə istinadən bildirir ki, Bodrum-Ankara istiqamətində gedən sərnişin avtobusu idarəetməni itərərək işıq dirəyinə çırpılıb.

Bunun nəticəsində avtobus yanmağa başlayıb.

Yanğınsöndürənlərin müdaxiləsindən sonra yanğın söndürülüb və soyutma işləri aparılıb.

İlkin məlumata görə, avtobusda olan 22 nəfərdən 1-i ölüb, 20-si yaralanıb. Avtobus sürücüsü saxlanılaraq polis bölməsinə aparılıb.