Rumıniya və Azərbaycan Orta Dəhlizin inkişafında maraqlıdır

Rumıniya və Azərbaycan Orta Dəhlizin inkişafında maraqlıdır.

Day.Az xəbər verir ki, bunu cümə axşamı Rumıniyanın Azərbaycandakı səfiri Vasile Soare "Rumıniyanın Milli Günü və Rumıniyanın Böyük Birləşməsinin 104-cü ildönümü" münasibətilə keçirilən tədbirdə deyib.

"Rumıniya və Azərbaycan coğrafi baxımdan əlverişli yerlərdə yerləşən və nəqliyyat qovşağı olan Bakı və Konstansa limanları ilə Avropa və Asiyanı birləşdirən Orta Dəhlizin inkişafında maraqlıdırlar", - deyə səfir bildirib.

Səfir qeyd edib ki, bu illər ərzində Rumıniya ilə Azərbaycan arasında siyasət, enerji, nəqliyyat, mədəniyyət və digər sahələrdə əlaqələr fəal inkişaf edir.