Səbail rayonunda minik avtomobilində yanğın baş verib

Paytaxtın Səbail rayonu, İ.Səfərli küçəsində minik avtomobilində yanğın baş verib.

Day.Az xəbər verir ki, hadisə barədə məlumat Fövqəladə Hallar Nazirliyinin (FHN) "112" qaynar xəttinə daxil olub.

Məlumat əsasında FHN-in Dövlət Yanğından Mühafizə Xidmətinin əməkdaşları dərhal əraziyə cəlb edilib. Operativ müdaxilə nəticəsində "KİA" markalı avtomobildə baş vermiş yanğın qısa müddətdə söndürülüb.

 

Yanğın zamanı avtomobilin salonu və mühərrik hissəsi zərər görüb, lakin avtomobilin digər hissələri və yaxınlıqda park edilmiş digər nəqliyyat vasitələri yanğından mühafizə edilib.