Sumqayıtda yeniyetmə niyə qətlə yetirilib?

Sumqayıtda yeniyetmələr arasında düşən mübahisə qanlı hadisə ilə nəticələnib. İki qardaşla mübahisə edən 17 yaşlı yeniyetmə qətlə yetirilib.

Day.Az xəbər verir ki, polis əməkdaşlarının keçirdikləri tədbirlərlə qətli törətməkdə şübhəli bilinən 14 yaşlı və 15 yaşlı iki qardaş   saxlanılaraq istintaqa təhvil veriliblər.

Qonşuların və mərhumun yaxınlarının verdiyi məlumata görə, 17 yaşlı Emil Qələndərlini öldürməkdə şübhəli bilinənlər yaxınlıqda kirayədə qalırmış. Mərhum evin tək oğlu imiş. Valideyinlərini itirən Emil Qələndərli Hacı Zeynalabdin qəsəbəsi, 19 nömrəli tam orta məktəbin 11-ci sinif şagirdi olub. Hadisənin isə söyüş üstündə törədildiyi bildirilir.

Faktla bağlı araşdırma davam etdirilir.

Xezerxeber.az mövzu ilə bağlı daha ətraflı videomaterialı təqdim edir.