Seçki bülletenləri bu gün bölgələrə çatdırılacaq

Ölkə ərazisində keçiriləcək bələdiyyə seçkiləri ilə bağlı seçki bülletenləri ilk olaraq dünən Naxçıvana çatdırılıb.

Day.Az xəbər verir ki, bunu Mərkəzi Seçki Komissiyasının sədri Məzahir Pənahov jurnalistlərə açıqlamasında deyib.

O qeyd edib ki, bülletenlər dünən AZAL vasitəsiylə Naxçıvana çatdırılıb.

"Bu gün isə digər bölgələrə çatdırılması planlaşdırılır",- deyə o qeyd edib.

Xatırladaq ki, yanvarın 29-da Azərbaycanda bələdiyyə seçkiləri keçiriləcək.