Naxçıvanda məhkumlar bələdiyyə seçkilərində səs veriblər

Naxçıvan Muxtar Respublikasının Babək-Şahbuz-Kəngərli 3 saylı Seçki Dairəsinin 3-60 saylı Seçki Məntəqəsində məhkumlar sərbəst şəkildə səsvermə hüququndan istifadə ediblər.

Bu barədə Day.Az-a Naxçıvan Muxtar Respublikası Ədliyyə Nazirliyindən məlumat verilib.

 

"Bu gün Azərbaycanda bələdiyyə seçkiləri keçirilir. Seçkilərdə məhkum olan vətəndaşların da iştirakı təmin olunur.

Qarışıq Rejimli Cəzaçəkmə Müəssisəsində Babək-Şahbuz-Kəngərli 3 saylı seçki dairəsinin 3-60 saylı seçki məntəqəsində məhkumların səs verməsi üçün şərait yaradılıb. Cəza çəkən şəxslər sərbəst şəkildə səsvermə hüququndan istifadə ediblər", - məlumatda qeyd olunub.