Azərbaycan və Pakistan enerji sahəsində ikitərəfli münasibətlərin inkişafını müzakirə edib

Azərbaycan və Pakistan enerji sahəsində müxtəlif istiqamətlər üzrə ikitərəfli münasibətlərin inkişafına dair müzakirələr aparıblar.

Day.Az xəbər verir ki, bu barədə Azərbaycanın energetika naziri Pərviz Şahbazov "X" sosial şəbəkəsindəki hesabında məlumat verib.

 

"Pakistanın özəlləşdirmə, İnvestisiya Şurası və kommunikasiya üzrə federal naziri Abdul Alim Xan ilə enerji sahəsində müxtəlif istiqamətlər üzrə ikitərəfli münasibətlərin inkişafına dair məhsuldar görüşümüz oldu. Gündəlikdə olan məsələlər, o cümlədən neft-qaz, bərpa olunan enerji və enerji səmərəliliyi üzrə əməkdaşlıq imkanlarını dəyərləndirdik", - paylaşımda qeyd olunub.