20 Yanvar yol qovşağı təkmilləşdiriləcək

Bakının 20 Yanvar yol qovşağının təkmilləşdirilməsi, yeni bağlantıların yaradılması planlaşdırılır.

Day.Az xəbər verir ki, bu barədə Prezident İlham Əliyevin təsdiq etdiyi "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı"nda deyilir.

Dövlət Proqramına əsasən, 2025−2026-cı illər ərzində bu işlər istiqamətində layihələndirmə sənədləri hazırlanacaq, tikinti və yenidənqurma işləri həyata keçiriləcək, qovşaq istifadəyə veriləcək.