Pakistanın Bəlucistan əyalətində hərbi kolona bombalı hücum nəticəsində 5 əsgər həlak olub

Pakistanın Bəlucistan əyalətində ölkənin sərhəd qoşunlarına aid hərbi kolona qarşı həyata keçirilən bombalı hücumda beş əsgər həlak olub, ən azı 12 hərbçi isə yaralanıb.

Day.Az-ın məlumatına görə, hücum intiharçı-terrorçu tərəfindən həyata keçirilib. Terrorçu partlayıcı maddələrlə dolu nəqliyyat vasitəsini hərbi kolonun üzərinə sürüb.

Məlumata görə, hücumu "Bəlucistan Azadlıq Ordusu" adlı ekstremist qruplaşma təşkil edib.