Güclü zəlzələ Taylandda dağıntılara səbəb oldu

Cənub-Şərqi Asiyada episdentri Myanmar olan güclü zəlzələ regionda, xüsusilə də Taylanda çoxsaylı dağıntılara səbəb olub.

Day.Az xəbər verir ki, bu barədə ölkənin yerli KİV-ləri məlumat yayıb.

Məlumata görə, Taylandın paytaxtı Bankoqda inşa edilməkdə olan göydələn yeraltı təkana tap gətirə bilməyərək, çöküb. Tikintiyə cəlb olunan azı 43 fəhlə və inşaat işçisinin dağıntılar altında qaldığı güman edilir.

Zəlzələ nəticəsində şəhərdə ictimai nəqliyyat iflic olub, metro fəaliyyətini dayandırıb, aeroportlar bütün yerli və beynəlxalq uçuşları müvəqqəti olaraq dayandırıb.

Zəlzələ fəsadlarının qiymətləndirilməsi hələ ilkin mərhələdə olduğundan itki və dağıntıların miqyası barədə hələ dəqiq məlumat yoxdur.