Azərbaycanla Almaniya arasında ticarət dövriyyəsi 3 dəfəyə yaxın artıb

Bu ilin yanvar-fevral aylarında Azərbaycanla Almaniya arasında ticarət əməliyyatlarının həcmi 485,4 milyon ABŞ dolları təşkil edib.

Day.Az xəbər verir ki, bu barədə Trend Dövlət Gömrük Komitəsindən məlumat əldə edib.

Məlumata görə, bu, 2024-cü ilin eyni aylarındakı göstərici ilə müqayisədə 315,1 milyon ABŞ dolları və ya 2,8 dəfə çoxdur.

Hesabat dövründə Almaniya ilə ticarət dövriyyəsi Azərbaycanın ümumi ticarət dövriyyəsinin 5,45%-i həcmində olub. Bununla da Almaniya Azərbaycanın ən çox ticarət əməliyyatı apardığı ölkələr sırasında 5-ci pillədə qərarlaşıb.

Cari ilin yanvar-fevral aylarında Azərbaycandan Almaniyaya 284,9 milyon dollarlıq məhsul ixracı qeydə alınıb. Bu, 2024-cü ilin eyni dövrü ilə müqayisədə 228,3 milyon ABŞ dolları və ya 5 dəfə çoxdur. Hesabat dövrü ərzində Almaniya ilə ixrac əməliyyatları Azərbaycanın ümumi ixracının 5,98%-ni təşkil edib.

Bu ilin yanvar-fevral aylarından Almaniyadan Azərbaycana 200,4 milyon ABŞ dolları dəyərində idxal əməliyyatları icra olunub ki, bu da illik müqayisədə 86,7 milyon ABŞ dolları və ya 76,3% artım deməkdir.

Eyni zamanda, 2025-ci ilin ilk iki ayı ərzində Azərbaycandan Almaniyaya 276,5 milyon ABŞ dolları dəyərində 500 min ton bitumlu süxurlardan alınmış xam neft və xam neft məhsulları ixrac olunub. Bu da 2024-cü ilin eyni ayları ilə müqayisədə dəyər ifadəsində 224,3 milyon ABŞ dolları və ya 5,2 dəfə, həcm baxımından isə 417,4 milyon ABŞ dolları və ya 6 dəfə çoxdur.

Bundan başqa, 2025-ci ilin yanvar-fevral aylarında Azərbaycandan Almaniyaya 485,4 milyon ABŞ dolları dəyərində qeyri-neft məhsulları ixrac olunub.

Məlumata görə, bu göstərici 2024-cü ilin eyni dövrü ilə müqayisədə 315,1 milyon ABŞ dolları və ya 2,8 dəfə çoxdur.

Hesabat dövründə Almaniyaya qeyri-neft məhsullarının ixracı Azərbaycanın ümumi ixracının 5,45%-i həcmində olub. Bununla da Almaniya Azərbaycanın ən çox qeyri-neft məhsulları ixrac etdiyi ölkələr sırasında 5-ci pillədə qərarlaşıb.

Qeyd edək ki, cari ilin yanvar-fevral aylarında Azərbaycanın xarici ticarət dövriyyəsinin həcmi 8,9 milyard ABŞ dolları olub.

Məlumata görə, bu göstərici ötən ilin eyni dövrü ilə müqayisədə 1,7 milyard ABŞ dolları və ya 23,2% çoxdur.

Hesabat dövründə ticarət dövriyyəsinin 4,8 milyard dolları ixracın, 4,1 milyard dolları idxalın payın düşüb ki, bunlar da, illik müqayisədə müvafiq olaraq 13 milyon dollar və ya 0,3% az və 1,7 milyard dollar və ya 69,2% çoxdur.

Hesabat dövründə xarici ticarətdə 628 milyon dollarlıq müsbət saldo yaranıb ki, bu da, illik müqayisədə 1,7 milyard dollar və ya 3,7 dəfə azdır.