Beynəlxalq ekspertlərdən və beyin mərkəzlərinin əməkdaşlarından ibarət nümayəndə heyəti Xankəndiyə gəlib

ADA Universitetinin 7-ci Siyasi Forumunun iştirakçıları Xankəndi şəhərindədirlər.

Day.Az Trend-ə istinadən xəbər verir ki, beynəlxalq ekspertlərdən və analitik mərkəzlərin əməkdaşlarından ibarət nümayəndə heyəti tədbirdə iştirak etmək məqsədilə Qarabağ universitetinə gəlib.

Qeyd edək ki, ADA Universitetinin və Beynəlxalq Münasibətlərin Təhlili Mərkəzinin birgə təşkilatçılığı ilə aprelin 8-də Xankəndi şəhərindəki Qarabağ Universitetində "Yeni Dünya Nizamına Doğru" mövzusunda 7-ci ADA Siyasi Forumu keçirilir.

Forumda 44 ölkədən 80-dən çox beynəlxalq ekspert, beyin mərkəzlərinin nümayəndələri iştirak edəcək.