ABŞ-də neft sənayesinin çökəcəyi proqnozlaşdırılır

ABŞ-də şist neft hasilatı ilə məşğul olan iri şirkətlərin rəhbərləri neft qiymətlərinin tənəzzülü ilə əlaqədar ölkədə neft sənayesinin çökəcəyinə dair xəbərdarlıq edib.

Day.Az xəbər verir ki, bu haqda "Financial Times" qəzeti yazır.

Nəşrin yazdığına görə, ABŞ prezidenti Donald Trampın "Qurtuluş günü" adlandırdığı gündən (2 aprel) bəri ABŞ-də neftin qiyməti 12 faiz ucuzlaşıb.

Məqaləyə əsasən, cari qiymətlər mövcud şist neft üzrə ixtisaslaşmış şirkətlərin hasilatla bağlı fəaliyyətini qeyri-rentabelli edir. Bundan başqa, OPEC-in hasilat həcmlərinin arıtırılması ilə bağlı bu yaxınlardakı qərarı da amerikalı neft maqnatlarında ciddi narahatlıq doğurub.