Türkiyə və Gürcüstandan olan din xadimləri Ağdamda səfərdədilər

Türkiyə və Gürcüstandan olan din xadimlərindən ibarət nümayəndə heyəti Azərbaycana səfəri çərçivəsində işğaldan azad edilən Ağdamda səfərdədilər. Qonaqlar səfər zamanı 30 il ərzində burada törədilmiş dağıntılar, həmçinin tarixi yerlərlə də tanış olacaqlar.

Trend-in yerli müxbiri xəbər verir ki, Ağdam şəhərinə səfər edən nümayəndə heyəti Ağdam Cümə məscidi, İmarət Kompleksi və Şəhidlər xiyabanını ziyarət edəcəklər.

 

Qonaqlara işğalda olduğu müddət ərzində ermənilərin Azərbaycanın tarixi - mədəni irsinə qarşı həyata keçirdiyi vandalizm aktları haqqında məlumatlar veriləcək.

Qeyd edək ki, 30-dan çox azərbaycanlı din xadiminin iştirak etdiyi səfər 2 iyun tarixinə kimi davam edəcək. Səfərin növbəti mərhələsi Bakı şəhərində olacaq.