Gənc Tamaşaçılar Teatrında “Solğun çiçəklər” tamaşasının premyerası keçirilib

Azərbaycan Milli Gənc Tamaşaçılar Teatrının studiyasında (Artstudiya) Cəfər Cabbarlının birhissəli mistik faciə janrında hazırlanan "Solğun çiçəklər" tamaşasının premyerası keçirilib.

Teatrdan Day.Az-a bildirilib ki, səhnə əsərinin bədii rəhbəri Əməkdar artist Nicat Kazımov, quruluşçu rejissoru Səbinə Məmmədzadə, quruluşçu rəssamları Elmira Üzeyirova, Təhminə Sadıqova, bəstəkarı isə Emil Elmanoğludur.

Tamaşada Əməkdar artist Leyli Vəliyeva, aktyorlar Ədalət Əbdülsəməd, Aygün Fətullayeva və Ümman Budaqov iştirak edirlər.