ABŞ-la nüvə danışıqları mənasını itirib

İran İsrailin son hücumlarından sonra Vaşinqtonla nüvə proqramı üzrə danışıqların mənasını itirdiyini bildirib.

Day.Az Milli.Az-a istinadən xəbər verir ki, bu barədə İran Xarici İşlər Nazirliyinin nümayəndəsi İsmayıl Bəqai məlumat verib.

O, ABŞ-ın bir tərəfdən danışıqlara hazır olduğunu, digər tərəfdən isə İsrailin hücumlarına şərait yaratdığını bildirərək bunu ziddiyyətli yanaşma adlandırıb.

Qeyd edək ki, ABŞ və İran apreldən bəri Oman vasitəçiliyi ilə dolayı danışıqlar aparırdı. Altıncı raundun Maskatda keçirilməsi planlaşdırılsa da, hücumlar səbəbindən görüşün baş tutması sual altındadır.