Rusiyada 3-cü sunami dalğası

Kuril adalarında güclü zəlzələdən sonra baş vermiş üçüncü sunami dalğası şəhər limanını və balıq emalı üzrə müəssisəni su altında qoyub.

Day.Az xəbər verir ki, bu barədə Rusiya KİV-ləri məlumat yayıb.

İlkin məlumata görə, zəlzələ və üç sunami dalğası nəticəsində zərərçəkən olmayıb və hər hansı dağıntı qeydə alınmayıb. Şimal-Kuril rayonunda yeraltı təkanlar və sunamilərdən sonra fövqəladə vəziyyət elan olunub. Ümumilikdə bölgədə 3 minə yaxın insanın təhlükəsiz ərazilərə təxliyə olunduğu bildirilir.

Qeyd edək ki, 3 sunami dalğasına yol açmış 8,7 bal gücündə zəlzələ iyulun 30-da Kamçatkada baş verib. Rusiya Elmlər Akademiyasına görə bu regionda ötən əsrin yarısından bəri qeydə alınmış ən güclü yeraltı təkanlar olub.