Güclü qar səbəbindən Bakı-İstanbul-Bakı axşam reysi də ləğv edilib

20:29

İstanbulda yağan güclü qar səbəbindən Bakı-İstanbul-Bakı (J2 077/078) axşam reysi də ləğv edilib.

Trend xəbər verir ki, ləğv edilmiş reysin sərnişinləri sabah səhər reysinin (J2 075/076) sərnişinləri ilə birlikdə geniş füzelyajlı təyyarə ilə yola düşəcəklər.

Qeyd edək ki, qarın yağması səbəbindən İstanbul hava limanı istiqamətində nəqliyyatın hərəkəti ciddi şəkildə çətinləşib.

----------
20:06

İstanbul-Bakı-İstanbul üzrə bir neçə aviareys təxirə salınıb.

Trend-in məlumatına görə, bu, İstanbula güclü qar yağması səbəbindən olub.

Belə ki, yanvarın 24-də TK334-335, yanvarın 25-də TK338-337, TK338-337 İstanbul-Bakı-İstanbul və TK7702-7703 Sabiha Gökçen-Bakı-Sabiha Gökçen reysləri təxirə salınıb.