Pol Makkartni uşaqlar üçün kitab yazıb

Day.Az представляет новость на азербайджанском языке

Britaniyalı musiqiçi və "The Beatles" rok-qrupunun yaradıcılarından biri Pol Makkartni uşaqlar üçün "Hey Grandude" adlı kitab yazıb.

Day.Az AZƏRTAC-a istinadən bildirir ki, şəkilləri uşaq rəssamı Ketrin Derst tərəfindən çəkilən kitabda Grandude adlı qoca sehrbazın və 4 nəvəsinin macəralarından bəhs olunur.

Makkartni kitabın adını öz həyatından bir səhnə ilə izah edir. Belə ki, onun 8 nəvəsindən biri ingilis dilində "Ey, baba dostum!" mənasını verən "Hey Grandude" ifadəsi ilə musiqiçinin diqqətini cəlb etməyə çalışıb.

ITV telekanalının efirində kitabını anons edən musiqiçi onun 2019-cu ilin sentyabr ayında çapdan çıxacağını bildirib.

"The Beatles" rok-qrupunun sabiq bas-gitaraçısı uşaq kitabları janrında müəyyən təcrübəyə malikdir. O, 2005-ci ildə ingiltərəli uşaq yazıçısı Filip Ardo ilə birgə "Yüksək buludlarda: şəhərli tüklü şələquyruq" kitabını dərc edib. Həmin kitabın illüstrasiyalarını amerikalı multiplikator rəssamı Ceff Danbar çəkib.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.