"Formula-1" kateqoriyasında ikinci sərbəst yürüş başa çatıb

Bakıda təşkil olunan "Formula-1" üzrə Azərbaycan Qran-prisində ikinci sərbəst yürüş başa çatıb.

Day.Az xəbər verir ki, "Ferrari" pilotu Lyuis Hemilton ən yaxşı nəticəni göstərib.

Onun komanda yoldaşı Şarl Lekler ikinci, "Mercedes"dən Corc Russell üçüncü olub.

Daha əvvəl ilk sərbəst yürüşdə "Maklaren" pilotu Lando Norris birinci sırada qərarlaşıb.

Qeyd edək ki, Azərbaycan Qran-prisi sentyabrın 21-də başa çatacaq.

xxx

16:33

Bakıda keçirilən Formula 1 Azərbaycan Qran-Prisində ikinci sərbəst yürüşə start verilib.

Day.Az xəbər verir ki, yürüşdə 10 komanda mübarizə aparır.

Yürüş iştirakçıları bir saat ərzində 6 kilometrlik trekdə dövrə vuracaqlar.

İlk sərbəst yürüşdə "McLaren" komandasının britaniyalı pilotu Lando Norris birinci olub.