Ceyson Steytem:

Rejissor Qay Riçinin Ceyson Steytemlə tanışlığıa barədə əfsanələr gəzir.

Day.Az gent.az-a istinadən xəbər verir ki, deyilənə görə gənc rejissor öz debüt layihəsi üçün kiçik bandit rolunu oynayacaq bir obraz axtarırdı. Kastinqə pulu olmayan Qay London bazarlarını gəzərək istədiyi sifəti axtarırmış. Məhz bu zaman ona satış taxtası arxasında duran gənc və sərt simalı satıcı rast gəlir.

Həmin satıcı C.Steytem olur. "Kartlar, pullar, iki silah" filmində çəkildiyi üçün o, 5 min funt sterlinq alır (xatırladaq ki, çəkildiyi "Forsajın" hər seriyası üçün o 30 milyon ABŞ dolları alıb). Oxucu bizə inanmaya bilər ki, paltar bazarında başlayan karyera yolu beynəlxalq kinoekranlara apara bilməz.

Lakin C.Steytemlə məhz bu baş verir. Ceyson "mümkün deyil" sözünü anlamır və hər filmində bunu sübut edir.

İnandırıcı olmasa da, o həqiqətən də kənddə doğulub və britaniyalı aktoru, sabiq futbolçu Vinni Consla uşaqlıqdan dostluq edir. O "Erasure" qrpunun romantik "Run to the Sun" klipinə çəkilib. O 20 ilə yaxındır ki, model Rozi Hantinqton-Uaytli ilə görüşür.

O, suya atlanmaq üzrə beynəlxalq idman ustasıdır və tuman reklamında çəkilib. Amma bu reklama görə o qədər az pul ödəyirdilər ki, Steytem bazarda işləməli olurdu. Məhz burada onun həyatını 180 dərəcə dəyişdirən Qay Riçi ilə tanış olur.

Kimin kimə karyera qurduğunu demək çətindir. Qay Riçi ekranda qrotesk, fikir məhsulu olan bir London: parallel reallığın şəhərini yaradır. Gözəgəlimli cinayətkarlar, kəsik montaj, hər kadrda "İnstagram" filtri ("Instagram" onda hələ icad edilməmişdi), pank-rok və dram-n-beys sauntrekləri...

Steytemin qəhrəmanları olan Bekon, Türk və hətta iflasa uğramış "Revolver" filmindəki Ceyk bu xülyanın mərkəzində yer alaraq bu alternativ reallığı birləşdirirdilər. Məhz bu yalançı London Riçini və Steytemi kinematoqrafiya atmosferinin ən hündür qatlarına qaldırır.

1998-ci ildə Qay Riçi başqa bir bazara getsə idi nə baş verəcəkdi...Bunu təsəvvür etmək belə istəmirsən. Əgər Steytem dünya ulduzuna çevrilə bilibsə, bunu hər bir kəndli gənc edə bilər.