Sabah Bakının bu rayonunda qaz kəsiləcək

Bakının Xətai rayonunun ümumilikdə 5 küçəsində istehlakçıların qaz təchizatında müvəqqəti fasilə yaranacaq.

Day.Az Trend-ə istinadən bildirir ki, bu barədə "Azəriqaz" məlumat yayıb.

Bildirilib ki, Xətai rayonu Cavanşir küçəsindəki qaz xəttində aparılacaq təmir-bərpa işləri ilə əlaqədar 18.09.2024-cü il saat 10:00-dan etibarən qaz təchizatı dayandırılacaq.

Qaz təchizatı dayandırılan müddətdə Məhəmməd Hadi, Çingiz Kərimov, Xudu Məmmədov, Rahib Məmmədov və Cavanşir küçələrinin qaz təchizatında müvəqqəti fasilə yaranacaq.