Sumqayıtda xəstəxanada YANĞIN

Sumqayıtda Məhkəmə Tibb Ekspertiza Şöbəsinin ərazisində yanğın başlayıb.

Day.Az-ın məlumatına görə, hadisə axşam saat 20:00 radələrində baş verib.

Hadisə yerinə Fövqəladə Hallar Nazirliyinin canlı qüvvə və texnikaları cəlb edilib. Hazırda yanğının söndürülməsi istiqamətində tədbirlər görülür.

Sumqayıt şəhər Səhiyyə şöbəsinin müdiri Səkinə Sadıqova Day.Az-a açıqlamasında faktı təsdiqləyib. Bildirib ki, hadisə Sumqayıt şəhər Məhkəmə Tibb Ekspertiza Şöbəsinin ərazisindəki köhnə anbarda baş verib. Hadisə yerinə Fövqəladə Hallar Nazirliyinin əməkdaşları gəlib, yanğın söndürülüb.