Səudiyyə Ərəbistanında mebel fabrikində yanğın - 16 miqrant həlak olub
Səudiyyə Ərəbistanının paytaxtı Ər-Riyadda yerləşən mebel fabrikində baş vermiş yanğın nəticəsində Banqladeşdən olan azı 16 əmək miqrantı həlak olub.
Bu barədə "The Arab Weekly" xəbər portalı Banqladeşin Xaricdəki Əmək Mühacirlərinin Rifahı və Məşğulluğu Nazirliyinə istinadən məlumat yayıb.
Bildirilib ki, yanğın avqustun 9-da Ər-Riyadda Musa-Sənaiya sənaye zonasında yerləşən mebel istehsalı müəssisəsində baş verib. Banqladeş səfirliyi ölənlərin şəxsiyyətlərinin müəyyənləşdirilməsi və cəsədlərinin mümkün qədər tez vətənə repatriasiyası üçün krallığın hakimiyyət orqanları ilə daim əlaqə saxlayır.
Respublika hökuməti, həmçinin həlak olanların ailələrinə maliyyə yardımı göstərilməsi barədə göstəriş verib. Yanğının səbəbləri hələlik müəyyən edilməyib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
