Bakıda “Əzab” başlayacaq

Day.Az представляет новость на азербайджанском языке

Bakıda yeni "Əzab" adlı Türk filminin premyerası olacaq.

Day.Az-ın məlumatına görə, ekran əsərinin ilk nümayişi sabah, yəni aprelin 28-də "Cinema Plus" və "Aygün City" kinoteatrında keçiriləcək. Mayın 1-də isə Gəncə sakinləri "Xəmsə Park"-dakı "Cinema Plus" kinoteatrında "Əzab"a tamaşa edə biləcəklər.

Filmə Türkiyənin tanınmış rejissorları Dilek Keser və Ulaş Güneş Kaçargil quruluş verib. Ekran əsərində əsas rolları son illər bir çox maraqlı obrazları ilə yadda qalan və sevilən aktyorlar İrem Deniz, Ayşe Selen, Dilşah Demir, Sonya Dicle Akbaş, Ayşin Yeşim Çapan ifa edir.

Qorxu janrında çəkilən "Əzab" real hadisələr üzərində qurulub. Qədim yer alan "Cin toyu" filmin əsas mövzusudur. Hadisəlrə isə məhz bu əhvalat üzərində qurulub. Filin süjet xətti isə gənc Ayşin müəllimə kimi təyinatı üzrə Türkiyənin ucqar kəndlərindən birində fəaliyyətə başlaması üzərində qurulub. İnternetdə kənd haqqında məlumat toplayan müəllimə maraqlı bir fakta rast gəlir:  kəndin keçmişi cinlərlə bağlı olub. Hadisələrin gərgin gedişatı isə məhz bundan sonra cərəyan etməyə başlayır. Ekran əsəri tamaşaçını daim gərginlikdə saxlamır, film incə yumorlarla da zəngindir.

"Əzab" həyəcan, macəra, yeni faktlar öyrənməyə həvəsi olanlar üçün əsl tapıntıdır.

Filmin operatoru İlker Berke, musiqi müəllifi Saki Çimendir.

Ekran əsərinin treylerləri:

https://www.youtube.com/watch?v=1I06Z47YwtA

https://www.youtube.com/watch?v=RslpIQJnS_0

https://www.youtube.com/watch?v=Vr807T0ZsxA

https://www.youtube.com/watch?v=T90iBwPx4-Y

Digər xəbərləri Azərbaycan dilində xüsusi Facebook səhifəmizdə izləyə bilərsiniz.