Suriyada helikopter qəzaya uğrayıb, ölənlər var

Suriyanın Hama şəhərinin şimal-şərqində hərbi helikopter qəzaya uğrayıb.

Trend "SANA" agentliyinə istinadən xəbər verir ki, qəza nəticəsində helikopterdə olan 3 nəfər həlak olub.

Bildirilir ki, helikopter havada alışıb və yaşayış binasının üzərinə düşüb. Binaya zərər dəysədə, sakinlərdən xəsarət alan olmayıb.

Qeyd edilir ki, helikopter təlim uçuşu həyata keçirirdi. İlkin məlumata görə, qəzaya səbəb texniki nasazlıq olub.