23 yaşadək futbolçulardan ibarət Azərbaycan yığması İslamiadanın bürünc medalını qazandı

23 yaşadək futbolçulardan ibarət Azərbaycan komandası V İslam Həmrəyliyi Oyunlarının bürünc medalını qazanıb.

Day.Az Trend-ə istinadən bildirir ki, komanda finalda Əlcəzair millisi ilə qarşılaşıb.

Əsas vaxtda qarşılaşma heç-heçə başa çatıb. Penaltilər seriyasının nəticələrinə görə, Azərbaycan 4:3 hesabı ilə qalib gəlib.

Qeyd edək ki, V İslam Həmrəyliyi Oyunları Türkiyənin Konya şəhərində keçirilir. Yarışlar avqustun 18-dək davam edəcək.

İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir.