Ağdamın bu kəndlərinə magistral su xətti çəkilib

Ağdam rayonunun Kəngərli və Xıdırlı kəndlərinin xarici su təchizatı və kanalizasiya sisteminin yaradılması layihəsi çərçivəsində Xıdırlı kəndində 3 km magistral su xətti, 2.1 km kanalizasiya kollektor xətti çəkilib.

Day.Az xəbər verir ki, bunu Zabuxçay su anbarına təşkil edilən mediatur zamanı Azərbaycan Dövlət Su Ehtiyatları Agentliyinin rəsmisi İlham Quliyev deyib.

İ.Quliyev bildirib ki, Kəngərli kəndində 3 km magistral su xətti, 5.73 km kanalizasiya kollektor xətti və 1 ədəd kanalizasiya nasos stansiyasının tikintisi - 65 % icra olunub.