Özəl məktəblərin təhsil haqlarının yüksək olmasının səbəbi AÇIQLANDI - VİDEO
Məktəblərin açılması ilə valideynlərin qarşısında ən vacib suallardan biri də övladları üçün düzgün təhsil müəssisəsi seçməkdir. Bakıda özəl məktəblərə maraq artsa da, bu məktəblərdə təhsil almağın qiyməti də kifayət qədər yüksəkdir.
Day.Az Xəzər TV-yə istinadən xəbər verir ki, Bakıda 15 özəl məktəbdə illik təhsil haqqı 8-26 min manat arasında dəyişir.
Qiymətlərə məktəbin infrastrukturu, təhlükəsizlik, qidalanma, müasir texnologiyalar, laboratoriyalar, əlavə dərnəklər, xarici dil və beynəlxalq proqramlar təsir edir.
Özəl məktəblərin üstünlükləri sırasında azsaylı siniflər, şagirdə fərdi yanaşma, psixoloji-pedaqoji dəstək və uşağın inkişafının fərdi izlənilməsi də göstərilir.
Ekspertlər valideynlərə məktəb seçərkən yalnız qiymətə və prestijə deyil, təhsil sisteminə, müəllim heyətinin səviyyəsinə və məzunların nəticələrinə diqqət yetirməyi tövsiyə edirlər. Yüksək təhsil haqqı isə avtomatik olaraq yüksək keyfiyyətli təhsil demək deyil.
Ətraflı videomaterialda:
Nəsimi Ələsgərli
Заметили ошибку в тексте? Выберите текст и сообщите нам, нажав Ctrl + Enter на клавиатуре
