Azərbaycanda məscidlərdə Aşura günü ilə bağlı qanvermə aksiyası keçirilir - FOTOLAR
Day.Az представляет новость на азербайджанском языке
Bu gün Azərbaycanda məscidlərdə Aşura günü ilə bağlı qanvermə aksiyası keçirilir.
APA-nın xəbərinə görə, aksiya Qafqaz Müsəlmanları İdarəsi və Səhiyyə Nazirliyinin təşkilatçılığı ilə baş tutub.
"Təzəpir" məscidində keçirilən aksiyanı izləyən Səhiyyə Nazirliyinin Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva deyib ki, artıq indiyə qədər ölkə üzrə 400-ə yaxın şəxs qan verib.
Aksiya ölkə üzrə 15 məsciddə keçirilir.
Qan vermək üçün müraciət edən şəxslərin xəstəliklərinin olub-olmadığı və qanda hemoqlobin səviyyəsi yoxlanılır.
XXX
"Bu gün saat 9.00-dək Azərbaycanda Aşura Günü ilə əlaqədar keçirilən qanvermə aksiyasında 400-dən çox insan qan verib".
Day.Az Trend-ə istinadən bildirir ki, bunu jurnalistlərə Səhiyyə Nazirliyi Elmi Tədqiqat Transfiziologiya və Hemotalogiya İnstitutunun direktoru Zöhrə Əlimirzəyeva deyib.
Onun sözlərinə görə, qanvermə aksiyasına saat 7-dən start verilib.
Qanvermə aksiyası gün ərzində davam etdiriləcək.
XXX
Bu gün saat 10:00-dək Azərbaycanda Aşura günü ilə əlaqədar keçirilən qanvermə aksiyasında 1000-ə yaxın insan qan verib.
Trend-in məlumatına görə, bunu jurnalistlərə Səhiyyə Nazirliyi Elmi Tədqiqat Transfiziologiya və Hemotalogiya İnstitutunun direktoru Zöhrə Əlimirzəyeva deyib.
Onun sözlərinə görə, qanvermə aksiyasına saat 7-dən start verilib.
Qanvermə aksiyası gün ərzində davam etdiriləcək.
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре
