"Bəlkə də möcüzə olacaq, ikinci yeri tutacağıq?!"

Day.Az представляет новость на азербайджанском языке

Day.Az apasport.az-a istinadən "Qarabağ"ın prezidenti Tahir Gözəl Çempionlar Liqasının qrup mərhələsi çərçivəsində "Atletiko" ilə oyundan sonra (1:1) müsahibəsini təqdim edir. 

- Görüş haqqında nə deyə bilərsiz?
- Çox maraqlı və gərgin oyun oldu. Qolumuz möhtəşəm idi. Onların vurduğu qol da adlarına yaraşan idi. "Qarabağ" bir daha sübut etdi ki, burda olmağı təsadüfi deyil. Avropa səviyyəsində oyun göstərir. Yarım saata yaxın müddətdə azlıqda oynasaq da, rəqiblə başa-baş mübarizə apardıq. Şükür ki, biz Çempionlar Liqasında, rəqib meydanda Azərbaycan tarixində ilk qolu vura bildik. Bu da bir ilkdir. "Qarabağ" yenə ilklərə imza atır.
 
- U-19 komandası da qələbə qazandı bu gün...
- O da möhtəşəm nəticədi. O komandamı da təbrik edirəm. Bu gün başımız dik, qürurla ayrılırıq Madriddən. Əminəm ki, "Real" tərəfdarları bu nəticəyə çox sevinirlər. Onlardan bizə mənəvi dəstək var idi ki, əlinizdən gələni edin. Çox məmnunam. Klubumla fəxr edirəm. Bizim əsas məqsədimiz var, o da Qarabağın adını dünyada anlatmaqdı. Şükür, buna nail oluruq. Bütün dünya bizi alqışlayır. "Roma"nın prezidenti də mənə təbrik göndərdi. Belə şeylər məni çox sevindirir.
 
- İştahınız artırmı? Bəlkə artıq 3-cülük haqqında düşünəsiz?
- Qarşımızdakı elə komandalardı ki, çox çətindi. Əlimizdən gələni edəcəyik. Ölüm qrupuna düşmüşük. Şansımız var üçüncülüyə, bəlkə də möcüzə olacaq, ikincilik qazanacağıq? Hələ bilmirik axı.
 
- Qırmızı vərəqədən sonra həyəcan keçirdiniz?
- Vərəqəyə etirazım yoxdu, şəxsən. Ancaq 10 nəfər qalmaq məndə böyük həyəcan yaratdı. Ancaq "Qarabağ" özünü itirmədi, bir az da şansımız gətirdi, yaxşı bitdi hər şey.
 
- Bu cür oyundan sonra "Çelsi" ilə qarşılaşmada yenidən tribunaların dolacağını güman eləmək olarmı?
- Mən ancaq dolu tribunalar gözləyirəm. Bu klubu dəstəkləməmək olarmı? Bu komanda üçün yeri gəlsə, iki saat piyada da getmək olar, çünki buna layiqdi. Bütün Azərbaycanı dəvət edirəm. Biz öz işimizi görürük, gərək Azərbaycan da "Qarabağ"a sahib çıxsın. Stadionu dolduraraq dünyaya sübut etməliyik ki, bu komandanın arxasında durmuşuq.
 
- Matçdan sonra "Atletiko" rəhbərliyi nə dedi?
- Serezo o qədər centlmen, yaxşı adamdı ki. Gözəl oyuna görə təbrik etdi. Hörmətlə vidalaşdıq.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.