Pakistanda terror nəticəsində 14 nəfər ölüb

Pakistanın Tank rayonunda nəzarət-buraxılış məntəqəsinə edilən partlayışlı hücum nəticəsində 14 nəfər həlak olub, 24 nəfər isə yaralanıb.

Day.Az xarici mediaya istinadən xəbər verir ki, ölənlər arasında 9 hərbçi, 4 polis əməkdaşı və bir dövlət rəsmisi var.

Hadisədən sonra təhlükəsizlik qüvvələri üç silahlını zərərsizləşdirib.

Xilasetmə işləri davam edir, hücuma görə məsuliyyəti isə hələlik heç bir qruplaşma üzərinə götürməyib.