Xocəsəndə su xəttində baş verən qəza aradan qaldırılıb
Bakının Binəqədi rayonunun Xocəsən qəsəbəsində Aprel Zəfəri küçəsinin su təchizatını təmin edən xəttdə baş vermiş qəza aradan qaldırılıb.
Day.Az xəbər verir ki, bu barədə Azərbaycan Dövlət Su Ehtiyatları Agentliyindən (ADSEA) məlumat verilib.
Bildirilib ki, Kür-1 və Kür-2 magistral su xətlərini əlaqələndirən, diametri 200 mm olan su xəttində baş vermiş qəza nəticəsində xəttin üzərində yerləşən siyirtmədə texniki nasazlıq yaranıb.
Qəzanın aradan qaldırılması üçün Binəqədi Rayon Sukanal İdarəsinin qəza-bərpa briqadası əraziyə cəlb olunub. Qəzalı su xətti və onun üzərində yerləşən siyirtmə üzrə zəruri təmir-bərpa işləri həyata keçirilib.
ADSEA-nın məlumatına görə, təmir-bərpa işləri tam yekunlaşdırılıb və xətt üzrə suyun verilişi bərpa olunub.
Qısa müddət ərzində suyun bütün ünvanlara normal və dayanıqlı rejimdə çatdırılmasının təmin ediləcəyi bildirilib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
