Gənclər Fondu növbəti regionlarda təqdimatlara davam edir - FOTO

Day.Az представляет новость на азербайджанском языке.

Azərbaycan Respublikasının Prezidenti yanında Gənclər Fondu 27 iyun 2013-cü il tarixində növbəti qrant müsabiqəsini elan etmişdir. Bununla əlaqədar olaraq Respublikanın bir sıra şəhər və rayonlarında region gəncləri üçün müsabiqə şərtləri və müraciət qaydaları barədə təqdimatlar keçirilir.
 

Layihələr və regionlarla iş sektorunun müdiri Vaqif Seyidbəyov və Fondun əməkdaşları Mübariz Qədirov və Ramin Cəfərov tərəfindən keçirilən təqdimatlar artıq Şamaxı (Mərəzə, Ağsu), Şirvan (Sabirabad, Hacıqabul), Qəbələ (İsmayıllı), İmişli (Saatlı, Beyləqan), Şəki (Oğuz), Biləsuvar (Salyan, Neftçala), Zaqatala (Balakən, Qax) və Lənkəranda (Astara, Lerik) baş tutub. Region gənclərinin böyük marağına səbəb olan təqdimatlar gənclərin suallarının cavablandırılması ilə davam edib. Qeyd edək ki, regional mərkəz olaraq seçilmiş şəhərlərdə qonşu bölgələrin də gəncləri iştirak edirlər. Bu gün, 10 iyul 2013-cü il tarixində növbəti təqdimatlar Abşeron, Masallı, Göyçay və Yevlaxda keçirilir. Növbəti günlərdə təqdimatlar Sumqayıt, Bərdə, Ağcabədi, Gəncə, Xaçmaz, Şəmkir, Quba və Qazaxda keçiriləcək.

Sizdən informasiya dəstəyi göstərməyinizi xahiş edirik.

Böyütmək üçün şəkillərə klikləyin.