Təcili eniş: “Lufthansa” reysi Heydər Əliyev Beynəlxalq Aeroportunda uğurla yerə endi

"Lufthansa" aviaşirkətinin Mumbai-Münxen reysini həyata keçirən təyyarəsinin kapitanı Heydər Əliyev Beynəlxalq Aeroportuna təcili eniş üçün müraciət edib. Səbəb sərnişinlərdən birinin səhhətinin qəfil pisləşməsi olub.

Aeroportun mətbuat xidmətindən Day.Az-а bildirilib ki, "Airbus A350" təyyarəsi yerli vaxtla saat 06:47-də Bakı hava limanında təhlükəsiz şəkildə yerə enib.

 

Sərnişinə hava limanında dərhal ilkin tibbi yardım göstərilib və vəziyyəti sabitləşdirmək üçün o, təcili tibbi yardım briqadasına təhvil verilib.