Filippinin paytaxtı Manilada 1000-ə yaxın ev yanıb

Bu gün Filippinin paytaxtı Manilada güclü yanğın nəticəsində 1000-ə yaxın ev yanıb.

Day.Az-ın "France-Presse" agentliyinə istinadən verdiyi məlumata görə, yanğın gecəqonduların olduğu yaşayış massivində başlayıb. Hadisə evlərdən birinin ikinci mərtəbəsində başlayaraq 1000-ə yaxın evi əhatə edib. Bu evlərdə təxminən 2000 ailə yaşayır.

Yanğının söndürülməsinə 36 yanğınsöndürmə maşını və 2 helikopter cəlb olunub. Hazırda ölənlər və yaralananlarla bağlı məlumat verilmir.