Azərbaycanda ilk dəfə Turan E-Ticarət və İxracat Forumu keçirilib - FOTO

Azərbaycanca, 26 ноября 2024 10:46 (UTC +04:00) 1 095

Azərbaycanda ilk dəfə Turan E-Ticarət və İxracat Forumu keçirilib.

Day.Az xəbər verir ki, "Founder Club" və Azərbaycan Françayzinq Assosiasiyasının birgə təşkilatçılığı ilə noyabr ayının 26-da Azərbaycanın iqtisadi inkişafına və beynəlxalq bazarlarda milli brendlərin tanıdılmasına həsr olunmuş Turan E-Ticarət və İxracat Forumu keçirilib.

"Trendyol Group"un beynəlxalq genişlənmə şöbəsinin rəhbəri İrem Çağrı Yılandil forumda bildirib ki, vizyonları bütün satıcıları elektron ixracatçıya çevirməkdir.

O qeyd edib ki, Azərbaycanın güclü iqtisadi əsasları, canlı ticarət mühiti və dinamik inkişafı var. Buradakı e-ticarət bazarının bu il 2 milyard dollara çatacağı və 2030-cu ilə qədər hər il 13% artacağı gözlənilir.

"Biz investisiya qoymaq, təcrübəmizi bölüşmək, müştərilərimiz və biznes tərəfdaşlarımızla böyümək üçün Azərbaycandayıq.

Birlikdə e-ticarətin gələcəyini formalaşdırmaq və hər kəs üçün qalıcı imkanlar yaratmaq gücümüz olduğuna inanırıq", - deyə o qeyd edib.