Öldü bilinən qadın qəfil dirildi - Qəribə hadisə
Çinin şimalındakı Hebey əyalətində qeyri-adi hadisə baş verib. Ailəsi tərəfindən öldüyü düşünülən 70 yaşlı qadın qəfil dirilib.
Day.Az Lent.az-a istinadla xəbər verir ki, qadın uzun illər beyin trombozu və xərçəng xəstəliyindən əziyyət çəkib. Həkimlər şişin müalicəsinin mümkün olmadığını bildirdikdən sonra ailəsi onu evə apararaq palliativ qulluq göstərib.
Sentyabrın 8-də yaxınları qadında həyat əlamətləri görməyib və digər şəhərlərdə yaşayan qohumların vida üçün gəlməsini gözləmək məqsədilə onu soyudulan tabuta yerləşdiriblər.
Ertəsi axşam qadının gəlini tabutdan zəif iniltinin gəldiyini eşidib. Yaşlı qadın dərhal tabutdan çıxarılıb. Sentyabrın 11-də o, tam şüurunu bərpa edib və gözlərini aça bilib. Buna baxmayaraq, vəziyyəti ağır olaraq qalıb, yemək və su qəbul edə bilməyib.
Həmin gecə qadının vəziyyəti kəskin pisləşib və o, həyatını itirib.
Həkimlər hadisənin "yalançı ölüm" adlandırılan vəziyyətlə bağlı ola biləcəyini ehtimal edirlər. Bu zaman insan dərin komada olur, nəfəsalma və ürək döyüntüsü son dərəcə zəifləyir, həyati göstəriciləri müəyyən etmək çətinləşir.
Qadın sentyabrın 13-də dəfn edilib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
