"Real" 1 milyard avroluq müqaviləyə hazırlaşır

Madrid "Real"ı fransız ulduzu Eduardo Kamavinqa ilə yeni müqavilə bağlamağa hazırlaşır.

Day.Az xarici mediaya istinadla xəbər verir ki, yeni müqavilədə futbolçunun maaşının xeyli artırılması nəzərdə tutulub. Kamavinqanın sərbəstqalma məbləğinin isə 1 milyard avro olacağı bildirilir. 

Qeyd edək ki, "kral klubu" 2021-ci "Renn"dən 31 milyon avro qarşılığında heyətinə qatdığı 20 yaşlı futbolçu ilə 6 illik müqavilə imzalayıb. Bununla belə, "Real" futbolçunun başqa kluba transferinin qarşısını almaq üçün 1 milyard avroluq sərbəst qalma bəndini əlavə edərək müqaviləyə yeniləyir.