Marketlərdəki bəzi qidalar ürək xəstəliyi riskini artıra bilər
Tədqiqatçılar yüksək dərəcədə emal olunmuş qidaların tərkibindəki bəzi emulqatorların ürək-damar xəstəlikləri ilə əlaqəli ola biləcəyini müəyyən ediblər. Bu maddələr çörək, tort, dondurma, desertlər, marqarin və hazır yeməklərdə məhsulun teksturasını yaxşılaşdırmaq və saxlama müddətini uzatmaq üçün istifadə olunur.
Day.Az xəbər verir ki, araşdırmada xüsusilə sellüloza əlavələrinin (E460-E468), yağ turşularının mono- və diqliseridlərinin (E471, E472), eləcə də trisodium fosfatın (E339) qəbulu ilə bəzi ürək-damar xəstəlikləri arasında əlaqə müşahidə edilib. Alimlər bu maddələrin bağırsaq mikrobiotasına və iltihab proseslərinə təsir göstərə biləcəyini bildirirlər.
Mütəxəssislər balanslı qidalanmağı, emal olunmuş məhsulların istehlakını məhdudlaşdırmağı və qida etiketlərini diqqətlə oxumağı tövsiyə edirlər. Bununla belə, araşdırmada müəyyən edilmiş əlaqə bu əlavələrin birbaşa ürək xəstəliyinə səbəb olduğunu sübut etmir və nəticələrin əlavə tədqiqatlarla təsdiqlənməsi vacibdir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
