71 yaşlı qadın çardaqdan yıxılaraq öldü
Day.Az представляет новость на азербайджанском языке:
Şəkidə bədbəxt hadisə baş verib. 71 yaşlı qadın çardaqdan yıxılaraq ölüb.
Aşağı Göynük kənd sakinlərinin anspress-ə verdiyi məlumata görə, Aşağı Göynük kənd sakini, 1944-cü il təvəllüdlü Sürayə Mahmud qızı Səmədova çardaqda yumurtlayan toyuqlarının yumurtasını götürmək üçün yaşadığı evin həyətyanı sahəsində tikilmiş mal tövləsinin çardağına çıxıb. Elə bu zaman çardağın döşəməsinə bərkidilmədən düzülmüş taxta ayağının altından çıxıb və nəticədə qadın tövlənin içinə yıxılaraq ağır bədən xəsarətləri alıb.
Yaralını dərhal xəstəxanaya çatdırıb reanimasiya şöbəsinə yerləşdiriblər.
Yıxıldığı zaman ağır kəllə-beyin travması alan 71 yaşlı qadın aldığı xəsarətlərdən xəstəxanada dünyasını dəyişib.
Faktla bağlı araşdırma aparılır.
Заметили ошибку в тексте? Выберите текст и сообщите нам, нажав Ctrl + Enter на клавиатуре