Göygöldə piyadanı maşın vurub

Day.Az представляет новость на азербайджанском языке.

Göygöldə piyadanın vurulması ilə nəticələnən yol qəzası baş verib. 

APA-nın verdiyi məlumata görə, hadisə rayonun Bayraq Meydanı ərazisində qeydə alınıb. 
 
Rayon sakini, 1978-ci il təvəllüdlü Hafiz Balaxanov yolu keçmək istəyərkən "QAZel" markalı yük avtomobili tərəfindən vurulub. Yaralı dərhal Gəncə Şəhər Təcili Tibbi Yardım xəstəxanasına yerləşdirilib. Onun vəziyyətinin orta-ağır olduğu bildirilir.
 
Faktla bağlı Göygöl Rayon Polis Şöbəsində araşdırma aparılır.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.