Çində daşqın 10 nəfərin ölümünə səbəb olub

Çinin şimal-qərbindəki Qansu əyalətində qısa müddət davam edən şiddətli yağışın yaratdığı daşqın nəticəsində 10 nəfər ölüb, 23-ü xəsarət alıb.

Day.Az Trend-ə istinadən bildirir ki, hadisə günorta vaxtı Veyyuan rayonundakı mənzərəli ərazidə baş verib. Ölən və xəsarət alanlar ərazidə düşərgə quran turistlər olublar.

Hazırda axtarış-xilasetmə əməliyyatları davam etdirilir.