Pakistanda şirniyyatçı 30 nəfəri xəstəxanalıq etdi

Day.Az представляет новость на азербайджанском языке

Pakistanda şirniyyat mağazasının sahibi pestisid qatdığı şirniyyatlarla ən azı 30 nəfərin ölümünə səbəb olduğunu etiraf edib.

Day.Az report-a istinadən bildirir ki, bu barədə yerli polis məlumat yayıb.

Xalid Mexmud dindirilmə zamanı bildirib ki, böyük qardaşından qisas almaq üçün şirniyyatın tərkibinə zəhər qatıb. Xalidin sözlərinə görə, onunla birgə mağazaya rəhbərlik edən böyük qardaşı Tarik "onu alçaldıb və ondan sui-istifadə edib".

"Mən onun dərsini vermək istəyirdim. Elə qəzəbli idim ki, butulkadan pestisidi həmin vaxt bişirilmə prosesində olan şirniyyata əlavə etdim", - deyə o bildirib.
Zəhərlənmiş şirniyyat partiyası yerli sakin tərəfindən alınıb və o bunları nəvəsinin ad günü münasibəti ilə ailəsinə və dostlarına aparıb.

Uşağın atası, altı əmisi və bir xalası da ölən 30 nəfərin sırasında olub. Həmçinin 5 uşaq dünyasını dəyişib və daha 4 zərərçəkən hələ də xəstəxanadadır.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.