Niyə dini bayramlar və matəmlər hər il fərqli günlərə düşür?

Day.Az представляет новость на азербайджанском языке

Niyə dini bayramlar və matəmlər hər il fərqli günlərə düşür? Məsələn, keçən il aşura günü noyabr ayına təsadüf edirdi, bu il isə oktyabr ayında olacaq.

Milli.Az islam.az-a istinadən bildirir ki, İslam dininin əlamətdar hadisələri hicri-qəməri təqvimlə hesablanır. Hicri-qəməri təqvim Ayın Yerdən görünməsinə əsaslanır və bu təqvimin başlanğıcı olaraq miladi 622-ci ildə Həzrət Mühəmməd Peyğəmbərin (s) Məkkədən Mədinəyə köçməsi, yəni hicrət hadisəsi götürülür. Hicri aylar ya 29, ya da 30 gün olur. Ona görə də hicri-qəməri ilin uzunluğu 354 və ya 355 gündür. Amma gündəlik həyatımızda işlətdiyimiz miladi təqvim Günəşin hərəkətinə əsaslanır. Miladi təqvim üç il 365 gündən, bir il isə 366 gündən ibarət olur.

Xəbərə görə, göründüyü kimi, hicri-qəməri və miladi illərin uzunluğunda təqvimdən asılı olaraq 10-12 gün fərq yaranır. Elə buna görə, hər il müqəddəs tarixlər miladi təqvimlə ötən ildəkinə nisbətən 10-12 gün qabağa keçir. Əgər keçən il aşura günü noyabrın 4-ü idisə, bu il oktyabrın 24-ü olacaq.