Aytacın meyiti tapıldı - TƏFƏRRÜAT
Gürcüstanda itkin düşən həmyerlimiz Aytac Məmmədovanın meyiti Tbilisidə Kür çayına düşən avtomobilin içərisindən tapılıb.
Day.Az "24News.ge"yə istinadən xəbər verir ki, avtomobildə aşkarlanan meyit ekspertizaya göndərilib.
Bundan sonra cansız bədənin Gürcüstanda azərbaycanlıların kompakt yaşadıqları Qardabani rayonunun Kosalı kənd sakini Aytac Məmmədovaya məxsus olduğu müəyyən edilib.
Xatırladaq ki, 21 yaşlı soydaşımızdan 40 gündən çox idi ki, xəbər alınmırdı.
Aytac ailəsi ilə sonuncu dəfə dostunun doğum gününə getməsi barədə danışıb. Oradan ayrıldıqdan sonra qız anasına səsli mesaj göndərib və əlaqə tamamilə kəsilib.
O, Tbilisi Dövlət Universitetinin ikinci kurs tələbəsi olub, təhsili ilə əlaqədar paytaxtda yaşayıb.
Faktla bağlı araşdırma aparılır.
Заметили ошибку в тексте? Выберите текст и сообщите нам, нажав Ctrl + Enter на клавиатуре
