İlin ilk yarısında neçə uşaq müəssisələrə yerləşdirilib?
2025-ci ilin birinci yarısında valideyn himayəsindən məhrum olmuş, eyni zamanda, çətin həyat şəraiti ilə üzləşmiş uşaqların yaşadığı 23 müəssisə üzrə 132 uşağın yerləşdirilməsi həyata keçirilib.
Day.Az bildirir ki, bu barədə Trend-in sorğusuna cavab olaraq Sosial Xidmətlər Agentliyindən məlumat verilib.
Bildirilib ki, müəssisələrə yerləşdirilən uşaqlardan 71-i qız, 61-i oğlandır.
"Onlardan 35 nəfəri 0-3 yaş, 17 nəfəri 4-6 yaş, 34 nəfəri 7-12 yaş, 46 nəfəri 13-18 yaş kateqoriyasına aid olan uşaqlardır.
Uşaqların müəssisələrə yerləşdirilməsi ilə bağlı müraciətlər e-sosial.az elektron portalında valideyn himayəsindən məhrum olmuş uşaqlar, himayədar ailə və övladlığagötürmə bölməsində, valideyn himayəsindən məhrum olmuş uşaqların yerləşdirilməsi alt bölməsi vasitəsi ilə aparılır.
O cümlədən, müraciətlər DOST Mərkəzləri vasitəsi ilə də qəbul edilir",- deyə məlumatda qeyd edilib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
