Diplomatik korpusun nümayəndələri Yeni Şuşa məscidində aparılan tikinti işləri ilə tanış olublar - FOTO
Azərbaycanda akkreditə olunmuş diplomatik korpusun Qarabağ və Şərqi Zəngəzura səfərində iştirak edən nümayəndələri Şuşada inşası davam etdirilən Yeni Şuşa məscidi ilə tanış olublar.
Day.Az Trend-ə istinadən xəbər verir ki, nümayəndə heyətinə məsciddə həyata keçirilən tikinti işləri və layihənin icra vəziyyəti barədə ətraflı məlumat verilib.
Qeyd edək ki, bu gün Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyevin müşayiəti ilə Azərbaycanda akkreditə olunmuş diplomatik korpusun nümayəndələrinin Qarabağ və Şərqi Zəngəzura iki günlük səfəri başlayıb.
Səfərdə 58 ölkə və 9 beynəlxalq təşkilatı təmsil edən, ümumilikdə 150 nəfərdən ibarət heyət iştirak edir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
