Tez hazırlanan salatlar

Day.Az представляет новость на азербайджанском языке

Yay günlərində isti yeməklərdən çox, tez və asan hazırlanan soyuq qəlyanaltılara ehtiyac duyulur.

Day.Az axşam.az-a istinadən tez hazırlanan salatları təqdim edir:

"Ledi" salatı

Tərkibi:

200 qr. toyuq filesi

200 qr. konservləşdirilmiş noxud

2 təzə xiyar

2 duzlu xiyar

1 dəstə şüyüd

Duz, istiot, mayonez

Hazırlanması:

Qaynadılmış toyuq filesini, xiyarı və şüyüdü doğradıqdan sonra sayılan bütün ərzaqları qarışdırın. Zövqə görə duz və istiot əlavə edin.

Krab salatı

Tərkibi:

200 qr. krab çubuqları

2-3 diş sarımsaq

3 yumurta

150 qr holland pendiri

Mayonez

Hazırlanması:

Krab çubuqları və yumurtanı kub şəklində doğrayın. Sarımsağı əzin. Pendiri də sürtgəcdən keçirdikdən sonra mayonez əlavə edib qarışdırın.

Özbəkistan salatı

Tərkibi:

1 ağ turp

300 qr. bişmiş ət

1 kiçik baş soğan

1 dəstə keşniş

Mayonez, duz, istiot

Hazırlanması:

Turpu sürtgəcdən keçirdikdən sonra yumurta və əti kub şəklində doğrayın. Soğanı bitki yağında yumşalana qədər qızardın və yağını süzün. Ardınca digər ərzaqları da bir-birinə qarışdırın. Zövqə görə duz istiot əlavə edin.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.